قشقایی،فرهنگ،زبان

عکس قشقایی،دنیای اطرافم،فرهنگ،زبان

قشقایی،فرهنگ،زبان

عکس قشقایی،دنیای اطرافم،فرهنگ،زبان

اهدای عضو !

"فیس بوک"۱ دا نئچه گوروپ وار کی" اهدای عضو" آدینا دی،،واری کیمسه بونو "لایک" ووریر و به گه نیر۲ !!!

منه گلیر اگر بیر گون بو فورصت بیزیم ایچین ایله ری گله هئچ وخت اؤزوموز یا عزیزیمیز عضوینی باغیشلامایاگ

ولی حتی بو صورت ده دی بیزیم دونیا:


 

چوختر از بو کی "قلب" باغیشلایان آدام ایسته یه،محبت باغیشلایان ایسته ییر

 

چوختر از بو کی "ال" باغیشلایان آدام ایسته یه،نوازش باغیشلایان ایسته ییر

 

چوختر از بو کی "گؤز" باغیشلایان آدام ایسته یه،باخیش باغیشلایان ایسته ییر

 

چوختر از بو کی "آیاق" باغیشلایان آدام ایسته یه،قانات باغیشلایان ایسته ییر

 

چوختر از بو کی "قان" باغیشلایان آدام ایسته یه،قان تؤکمه یه ن ایسته ییر

 

چوختر از بو کی "جان" باغیشلایان آدام ایسته یه،جان اؤلدورمه یه ن ایسته ییر



۱)بیر ایجتیماعی سایت دی

2)به گه نمک:پسند کردن

qashqai جمعه 26 فروردین‌ماه سال 1390 ساعت 11:15 ب.ظ
8 نظر

یاز

اوشاقلیگدان یاز اولاندا آللاهیم وئریردی

بیر موددت ایچین مدرسه دن راحت اولیردیم

یئنگی دوُن1 دالا چکیردیم

آیاقیم یئنگی آیاق-قابی2 نان تانیش اولیردی

گئدیردیک کیمسه لریمیز اه وینه

بئیگ تر لر دن عیدانالیگ آلیردیگ

گئدیردیک اوبایا،گئجه لر سحرنچز متل لره قولاغ آسیردیگ،اولدوزلاری اوردایدی کی تانیدیم !

یاز اولاندا،

دونیایا گؤزه للیک یاغیر

بیر بیر دن کیسمیش لر باریشیرلار3،اؤلموش اوره گ لر دی جانا گلیر !

نمنه موندان یئی؟؟؟

1)لباس،رخت

2)کفش،اورسو

3)باریشماک:صلح ائتمک،بیر اولماک

qashqai سه‌شنبه 16 فروردین‌ماه سال 1390 ساعت 12:51 ق.ظ
6 نظر